Reġistru tal-Bastimenti tas-Sajd
Il-Funzjoni tar-Reġistru tal-Bastimenti tas-Sajd
Ir-Reġistru tal-Bastimenti tas-Sajd għandu bħala l-objettiv ewlieni tiegħu r-reġistrazzjoni tal-bastimenti tas-sajd taħt il-klassifikazzjonijiet maħruġa mid-Dipartiment skont l-S.L. 425.07. B’hekk, il-bastimenti koperti mir-Reġistru huma MFA, MFB u MFC.
Id-differenza bejn il-kategoriji u l-attivitajiet tas-sajd involuti
Il-kategoriji MFA u MFB huma l-kategoriji professjonali jew speċifikament il-bastimenti li l-qabda tagħhom tista’ tiġi kkummerċjalizzata. Id-differenza bejniethom hija li MFA huma bastimenti full-time filwaqt li MFB huma part-time. Għalhekk, id-Dipartiment jirrikjedi li bastiment full-time (MFA) jirreġistra aktar qabdiet mill-bastiment part-time (MFB) f’termini ta’ valur tal-ħut.
Il-bastimenti MFC huma bastimenti li ma jistgħux jikkummerċjalizzaw il-qabda tagħhom. Minbarra dan, dawn huma wkoll ristretti fl-irkapti li jistgħu jintużaw.
Servizzi relatati offruti mir-Reġistru tal-Bastimenti tas-Sajd
Il-funzjoni tat-taqsima ma tiqafx bir-reġistrazzjoni tal-bastimenti. Fil-fatt, l-FVR mhuwiex biss responsabbli għall-ħruġ ta’ dawn il-liċenzji li jeħtieġ li jiġġeddu kull sena iżda huwa responsabbli wkoll għall-ħruġ fil-ħin, ta’ awtorizzazzjonijiet tas-sajd staġjonali speċjali li kollha kemm huma jsegwu r-regoli tal-ICCAT u l-leġiżlazzjonijiet tal-UE.
It-talbiet għat-Trasferimenti tal-Bastimenti saru wkoll komuni ħafna f’dawn l-aħħar ftit snin. Dawn jinvolvu t-trasferiment ta’ bastimenti bejn sidien tal-bastimenti u lill-werrieta fil-każ ta’ sidien ta’ bastimenti li jmutu. L-FVR jindirizza wkoll talbiet li jinvolvu sostituzzjonijiet ta’ bastimenti, li eżempju tagħhom ikun meta bastimenti tas-sajd mhux effiċjenti jiġu ssostitwiti b’oħrajn li huma aktar affidabbli u tajbin għall-baħar.
Għal aktar informazzjoni dwar it-Tiġdid tal-Liċenzja tas-Sajd, jekk jogħġbok ikklikkja hawn
Servizzi oħrajn offruti mir-Reġistru tal-Bastimenti tas-Sajd jinkludu:
· It-tneħħija jew iż-żieda ta’ magni fuq il-bastimenti.
· Tibdil tal-irkapti
· Tibdil fid-dettalji ta’ kuntatt tas-sid biex tiġi inkluża kwalunkwe bidla fl-indirizz
· Bidla tal-kaptan
· Tibdil fil-kategorija tal-bastimenti tas-sajd
· Tibdil tad-dettalji tal-bastiment tas-sajd bħall-isem jew il-kulur.
· Iż-żieda jew it-tneħħija tar-radju VHF
· Kanċellazzjonijiet ta’ bastimenti tas-sajd
N.B. Għal aktar informazzjoni dwar dawn is-servizzi jekk jogħġbok ċempel: