Id-Direttur Ġenerali (is-Sajd u l-Akkwakultura) huwa responsabbli għas-setturi tas-sajd u tal-akkwakultura, inklużi:
il-konservazzjoni tal-istokkijiet tal-ħut li jinstabu b’mod naturali;
it-teħid ta’ tali miżuri li jistgħu jitqiesu xierqa għall-protezzjoni tal-istokkijiet tal-ħut mill-effetti tat-tniġġis, kemm jekk fuq perjodu ta’ żmien kontinwu kif ukoll jekk fuq perjodu ta’ żmien qasir, u mill-effetti li huma ta’ ħsara jew potenzjalment ta’ ħsara għall-istokkijiet tal-ħut, u l-miżuri meħuda biex jiġi eliminat jew ikkontrollat it-tniġġis;
il-valutazzjoni tal-istokkijiet tal-ħut u l-ġbir tal-istatistika, inklużi d-dettalji tal-qabdiet;
l-iżvilupp u l-ġestjoni tas-sajd;
iż-żamma ta’ rekord tal-bastimenti tas-sajd, tal-kaptani u tal-ekwipaġġ tagħhom u ta’ kwalunkwe persuna oħra li taħdem fuqhom;
il-monitoraġġ, il-kontroll u s-sorveljanza tal-operazzjonijiet tas-sajd;
ir-regolamentazzjoni tat-twettiq tal-operazzjonijiet tas-sajd, inklużi l-akkwakultura u l-operazzjonijiet anċillari għalihom;
il-ħruġ, il-varjazzjoni, is-sospensjoni u r-revoka ta’ permessi u liċenzji għas-sajd, u tagħmir użat għas-sajd, għall-akkwakultura, għat-trasbord u għal attivitajiet oħrajn li għalihom huma meħtieġa permessi jew liċenzji skont l-Att dwar il-Konservazzjoni u l-Ġestjoni tas-Sajd;
il-ġbir tat-tariffi fir-rigward tal-permessi u l-liċenzji u tal-entrati fir-reġistru tal-bastimenti tas-sajd, kif ukoll il-ġbir tat-tariffi għal-liċenzji maħruġa għall-kategoriji l-oħrajn kollha ta’ permessi u liċenzji msemmija fil-paragrafu ta’ hawn fuq;
it-teħid ta’ miżuri xierqa b’konsultazzjoni ma’ tali awtorità li minn żmien għal żmien tista’ tkun responsabbli għall-ambjent għas-salvagwardja kontra l-estinzjoni ta’ speċijiet protetti;
kwalunkwe kwistjoni oħra li għandha teħtieġ amministrazzjoni skont l-Att dwar il-Konservazzjoni u l-Ġestjoni tas-Sajd.
